8888 Citizens Complaint Hotline, anaa ugma sa Biyaya ng Pagbabago Visayas launch

Kinsa kadto'ng adunay mga reklamo sa bisan kinsa nga anaa sa gobyerno, labina ang kadto'ng anaa nalambigit sa paghatag og direktang serbisyo, paminawon kamo ugma mismo sa mga Dial 8888 atol sa paglusad sa Biyaya ng Pagbabago -Visayas.

Mga yangongo kabahin sa Programa Pantawid, mga opisyales sa barangay, kalungsuran o dakbayan nga manghilabot sa pag apod apod sa benepisyo; paghikaw ug pagpabor pabor, higayon na kini ninyo nga muduso sa mga reklamo ug atobangon kamo mismo sa mga kawani sa 

Presidential Complaints Center (PCC)

Mao kini ang pamahayag ni Atty. Rex Fernandez, ang co convenor Visayas sa Kilusang Pagbabago (KP) nkigtambayayong sa nag unang ahensya, ang Office of Cabinet Secretary Leoncio Evasco Jr.

Matod ni Fernandez usa ang PCC/Dial 888 usa sa duol 20 ka mga ahensya sa gobyerno nga matapok ugma'ng adlawa ngadto sa College of Technological University (CTU) Main Campus.

"Magtapok ngadto ang mga ahensya nga naglambigit sa anti-poverty programs ni Presidente Duterte aron direkta kini nga masinati sa publiko," matod ni Fernandez.

Gawas niana, si Doris Mongaya, ang lead convenor sa KP nagkanayon nga ipahigayon pod didto ang medical mission ug pang apod apod sa mga tambal; mga break out sessions kabahin sa pagpanarbaho, panginabuhi, lakip na ang edukasyon.

"Wata manghatag og isda, we want people to learn how to fish," matod ni Mongaya.

Gani ubay ubay unya ka mga scholarships gikan sa Technical Education Skills and Development Authority (TESDA) ang iapod apod pinaagi sa KP. 

Ehatag usab ang actual nga "biyaya" sa mga mangingisda gikan sa Bureau of Fisheries and Aquatic Resources (BFAR) ang 22 ka mga sakayan FB Pagbabago, mga pukot ug mga motor. 

Walay pasiunang palista ang pagahimuon. Angayan lang nga adto sa aktual ang gusto maka avail sa mga benefits, matod ni Mongaya. 

Si Wendell Cabrera, ang Visayas Cluster Director sa Office of the Participatory Governance (OPG) nagkanayon nga mapasalamaton sila sa KP nga nahimong tulay sa pagpasinati sa madali ug direkta sa publiko ang mga programa pagsulbad sa kahigwaos  o anti poverty programs sa Presidente. 

"We want to deliver timely, adequate and responsive services to the people, that is the thrust of the President," matod ni Cabrera.

Human sa lusad ugma'ng adlawa, musunod sa Talibon Bohol (Abril 28), Tacloban City (May 5), Ilolilo City (May 19), Capiz sa Roxas City (May 26), Ormoc City (June 2), Catarman Northern Samar (June 9), Negros Occidental sa Sagay (June 16) ug Negros Oriental sa Dumaguete City (June 30).

Mga ahensya nga anaa ugma mao ang Department of Agriculture (DA), BFAR, Department of Environment and Natural Resources (DENR), Department of Agrarian Reform (DAR), Department of Labor and Employment (DOLE), Philippine Statistics Authority (PSA), Department of Interior and Local Government (DILG), Philippine Coconut Authority (PCA), Department of Trade and Industry (DTI), Cooperative Development Authority (CDA), Department of Health (DOH), Department of Social Welfare and Development (DSWD), Social Security Services (SSS), Philippine Information Agency (PIA) ug mga housing agencies. (fcc)