Migahin og P1.7 milyones ka pesos ang lungsod sa Tuburan alang sa hingpit nga kahumanan sa covered court sa barangay Gimamaa.
Gitakda ni Mayor Aljun Diamante nga mahuman
na ang maong covered court karong buwan sa Nobyember human sa upat ka buwan nga
construction.
Matud ni Gimamaa Brgy.Kapitan Brigido
Colegado , gikalipay kaayo nilang mga barangay officials og sa lumolopyo ang maong proyekto.
“Dako kaayo ni og kagamitan sa higayon nga dunay kalihukan sama sa Fiesta og uban pa,” matod ni Colegado.
Siya nagkanayon nga ingon man ug naay
mutumaw nga kalamidad sanglit mahimo man usab ni nga
evacuation center.
Ang barangay anaa mahimutang duol sa suba.
Gisaad ni Diamante nga matagamtam ang
kalamboan sa tanang mga barangay. Anaa siya karon sa iyang ika tulo ka termino
sa pagka Mayor.
Balita gikan ni : Sofronio Pintado Jr., Tuburan PIO/ CAOCAMPIO President
