Sulbad sa traffic dinhi sa Sugbo.

HybridElectric Road trains hayan ipatuman diri sa dakbayan sa Sugbo isip transportasyon sa masa.

Gipirmahan kagahapon lamang ang Memorandum of Understanding tali sa Department of Science and Technology (DOST)  og dakbayan sa Sugbo (Cebu City) diin eapil ang pagamit unya sa hybrid electric road trains lakip sa mass transport system.

Matod ni Cebu City Mayor Michael Rama muhaom ang hybrid electric road trains sa lain pang systema sa mass transport nga mao ang Bus Rapid System o BRT.

Nasayran nga supak ang dakbayan sa sugyot sa national nga panggamhanan nga magbutang unya og light rail Transit o metro rail transit dini sa dakbayan.

Matod ni Rama, supak  sila tungod kay madaot niini ang natural nga landscape, skyline, kalikupan og dako kini og gasto unya sa pagmantiner.

Cebu City Mayor Michael Rama addresses the witnesses to the MOU signing with DOST 

Gipasabot ni DOST Secretary Mario Montejo nga ang hybrid electric road train susama lang sa bus, mas taas kini og mas paspas. Gipadagan kini sa kuryente og gamay ra ang gigamit nga diesel mao nga luwas kini sa kalikupan.

MOU for the implementation of hybrid electric road train signed between DOST Sec Mario Montejo and Cebu City Mayor Michael Rama; witnessed by VM Edgar Labella and Councilor Roberto Cabarubias

Ipatuman unya ang pagtesting sa maong systema sa di pa mahuman ning tuiga. Ang mass transport system, usa sa mga nag unang proyekto sa dakbayan aron sa pagsulbad unya sa problema sa traffic. 

Alang sa dugang mga balita... e click lang ang PIA website