Mga Overseas Filipinos nga anaa sa gakagubot nga mga nasud, exempted sa demonitization deadline

BSP Visayas RD Atty. Leonides Sumbi

Mga Pilipino nga nanimuyo ug nanarbaho sa mga nasod nga adunay mga geopolitical crisis, exempted sa deadline sa demonetization sa New Design Series nga kuarta.

Sa gipahigayong katapusang panawagan sa publiko, gibutyag ni Atty. Leonides Sumbi, ang regional director sa Bangko Sentral ngPilipinas-Visayas, nga gitagaan og lugway ang mga Pilipino nga toa nanimoyo o nanarbaho sa mga nasod nga adunay kagubot.

Kutob na lamang December 31 ning tuiga, o karong December 29 Biernes ang katapusang banking day, nga mapailisan sa bisan kinsa ang mga NDS currencies ngadto sa mga bangko.

“Human niini, dili na gyud ni madawat sa pagpamalit  o bisan pailisian sa mga bangko, mahimo nalamang kini nga collectors’ item,” matod ni Sumbi.

Ang BSP pinaagi sa Circular 910 nagmando sa tanang mga Overseas Filipino Workers ug mga residente nga gikinahanglan muparehistro sa website nga sila adunay nga NDS og mapailisan kini hangtud usa ka tuig sa pagparehistro.

“However, in countries like Syria, Afghanistan or anywhere there is a geopolitical crisis, and the Filipino does not have any access to internet for registration, he or she can still have it exchanged, magpakita lang sya og pruweba nga gikan sya niana nga mga nasod,” matod ni Sumbi.

Apil sa maong exemptions mao ang mga NDS nga apil sa maong kaso og naa sa pagtago sa mga Clerks of Courts ug mga law enforcement agencies.

Ang mga Authorized Agent Banks ug mga Municipal, City ug Provincial Treasurers apil usab sa mga exemptions.  Gitagaan sila og lugway hangtod Marso 31, 2017.

Ang NDS gisugdan na sa pag demonetize niadtong tuig 2014 tungod sa tinguha sa pagmungtar og mga maayong security features sa mga salapi. (fcc/PIA7-Cebu)