Programa panarbaho, libreng pagpuyo, edukasyon sa anak alang sa single mothers sa dakbayan sa Sugbo, ilusad.

Ang dakbayan sa Sugbo mulusad og labing unang programa alang sa mga single mothers nga adunay libreng pagpuyo, pagkaon, trabaho ug bantay sa ilang mga anak.

Niining buwan sa Marso, ang buwan sa mga kababayen-an, si Cebu City Mayor Tomas Osmena mi anunsyo nga ang AZPIRED, usa ka dakong outsourcing service center, mulunsad unya og programa sa labing unang higayon nga makabentaha sa mga single mothers.

Mga 100-200 ka mga single mothers ang mamahimo nga mapailawom sa maong programa nga makahatag kanila og kahigayonan sa panguarta og samtang naghuna huna pa sila kun unsa ang ilang gusto sa kinabuhi.

Matod ni Osmena, kasagaran sa mga single mothers, mudawat ug mutrabaho na lamang  og mga trabaho nga gamay og sweldo tungod kay dili nila gusto nga mapahilayo sa ilang mga anak ug mga ginikanan.

“Dako kana nga sakripisyo alang kanila mao nga karon di na sila angay nga mapugos og trabaho ug mahimo sila nga ma train, makapanarbaho nga anaa lang sa duol ang ilang mga anak,” matod ni Osmena.

Magdawat unya og sweldo nga P5,000 matag buwan ang usa ka  single mother apan libre ang pagpuyo, pagkaon, lakip na ang sweldo sa mubantay sa anak, pagpaeskwela niini ug medical services.

“The building will be in I.T. Park, so you do not have to worry about traffic or transportation costs. Your children will be transported to school so you don’t have to worry about them. When not in school, they will be taken cared of and grouped with children of similar age so they will not have to be alone while you’re at work,” matod sa Mayor.

Adunay  kumon nga kan-anan ug ingon man kumon nga lugar pundukanan o kulukabildo.

Ang mga aplikante mahimo nga mutawag sa mga incharge sa mga numero nga 09213625261 ug 0998910469, landline number 2311766.

Samtang gisige pa ang konstruksyon sa maong building, ang nadawat nga aplikante aduna nay allowance nga P1000 matag buwan.

 Ang maong pamaagi gisundog sa Mayor sa “kibbutz system” sa Israel.

Ang ang “kibbutz” gikan sa Hebrew word nga buot pasabot pagtapok-tapok o “gathering”.

Usa kini ka komunidad diin ang kita niini gi apod apod ug ang tanang serbisyo gihatag nga libre sa tanan. Adunay kumon nga dining area dili na gikinahanglan nga magluto pa tagsa tagsa. Nahimo kining maong pamaagi sa nagsingabot na ang 20^th century. (fcc/PIA7-Cebu)