Public Information Associates (PIAs), ang WOW sa dakbayan sa Danao!

Si Michelle Mondigo, Danao City PIO ug presidente sa CAOCAMPIO

Ang Public Information Office (PIO) sa Dakbayan sa Danao gitan-aw nga sulundon sa uban nga mga PIOs sa lalawigan sa Sugbo. 

Sa labing unang higayon nasaksihan sa mga membro sa Cebu Association of City and Municipal Public Information Officers (CAOCAMPIO) ang pagpadagan sa PIO sa Danao City atol sa binulan nga tigum sa organisasyon. 

JO1 Wendell Durano mihatag og taho sa ilang grupo.

Ang kasamtangang PIO sa Danao, si Mitchelle Mondigo  nga mao usab ang presidente sa CAOCAMPIO, mapasigarbohong mipakita sa pagmugna ug naabot na sa iyang opisina nga adunay gitawag nga Public Information Associates (PIAS).

Ang mag PIAS, usa a network sa magsusulat ug tigpamaba gikan sa mga nagkalain-laing mga departamento sa lokal ug nasyonal nga anaa sa dakbayan. 

Sa ilang panagtigom sa mga PIAS, muhatag kini sila og tagsa tagsa ka mga taho, mga problema ug mga kadaugan sa  matag opisina sa ilang mga programa ug mga serbisyo. 

Gikan sa mga issues og taho, mamahimo na kini nilang gamiton sa ilang Sidlak Danao Newsletter, ug ingon man sa ilang social media page. 

“We are really proud of you and how far you’ve gone since that first day we’ve had our very first training,” matod ni Philippine Information Agency Cebu Infocen Manager Rachelle Nessia. 

Nakaagi ang Danao PIAS og lain laing mag pagbansay bansay sa pagsuwat, pag istorya, pagkuha og litrato ug uban pa.

Matod ni Mondigo, mas nakapalig-on kanila ang usa ka Executive Order nga gikan ni Danao City Mayor Ramon Durano III diin nakahatag kini og legalidad sa ilang pagkatudlo isip PIAs. 

Si PIA Cebu IDO Ferliza Contratista uban si Rodrigo Almonicar, PIO Daanbantayan ug Lolito Bontigao Jr., Dumanjug 

Si Rodrigo Almonicar, PIO sa lungsod sa Daanbantayan nakapangutana kun sa pagsugod aduna ba silay pagduhaduha tungod kay dugang kini nga buluhaton sa ilang mga responsibilidad.

Gipasabot ni Suzanne Durano, ang PIA sa City Assesor's Office sa Danao nga sa sugod adunay mga kabalaka tungod kay kasagaran nila wala sa linya ang pagsulat ug uban pa.

Si Suzanne Durano, City Assessors PIA

“Apan sa sige na namong panagkita ug pag undergo og trainings, amo na gi look forward ang matag meeting,” matod ni Durano.

Si Alvin Duazo, ang bag-o nga PIO sa lungsod sa Consolacion nagkanayon nga napun-an ang iya nga mga plano sa matang sa impormasyon ug komunikasyon. 

Ang CAOCAMPIO magtagbo matag buwan alang sa pag lig-on sa organisasyon ug ingon man pag ambitay og mga kahibalo sa mga best practices sa tagsa tagsa ka mga local government unit. (fcc)

50 ka paresan mipirma'g libre'ng FOREVER sa Compostela

Habal-habal and forever 

Usa kini sa 50 ka mga paresan nga nanumpa nga mag-inunungay hangtod sa kahangturan sa gihimo nga mass wedding sa lungsod sa Compostela kagahapong adlawa didto sa barangay Cabadiangan Gym.

Matod ni Fe Lawas, ang Public Information Officer sa lungsod sa Compostela nga ika lima na kini nga higayon ang pagpakasal nga dinaghan sa mga nag ipon ipon, o ang mga gusto gyud nga ma pormal na ang ilang panagpuyo pinaagi sa sakramento.

Si Reverend Father Scipio Deligero ang mi selebrar  ug nangluhod mao ang mga opisyales sa Compostela gipanguluhan ni Mayor Joel Quiño ug Bise Mayor Joy Abing ug ang mga konsehales.

Si Father Deligero mitambag sa mga gikasal nga padayon ang paghigugmaay ug ang pagsimba sa Ginoo.

"Magkita kita gihapon ta sa simbahan matag Domingo ha," matod sa pari.

Ang mga magtiayon gipasimba og upat ka Domingo sa matag alas sais sa buntag aron sila maanad.

Lakip usab sa mitestigo mao ang hepe sa kapolisan si PSInsp Junafe Vergara, SFO4 Roger Loro.

Matod ni Lawas nga ang gasto sa magtiayon mao ra ang ilang sakyanan ug sinena.  Ang munisipyo na ang milibre sa pagkaon, lakip na ang mga decorations, ug program ug souveniers.

Gi libre na sa Local Civil Registrar ang paghikay sa Certificate of No Marriage (CENOMAR) ingon man ang Marriage Certificate.

Ang mga Department Heads ang nag contribute sa mga regalo.


Ang Compostela anaa sa habagatang bahin sa Sugbo.

Usa kini sa mga nagtubo ang eonomiya tungod sa mga nagkalain lain ng mga subdivisions and developments nga anaa didto karon. (fcc)

First LGBT Pride Month gipahigayon sa Mandaue City

 Kapin sa 3,000 ka mga membro ug supporters sa lesbians, bisexuals,  gays ug transvestites (LGBT) ang misalmot sa labing unang Pride March nga gipahigayon sa dakbayan sa Mandaue.

Si Atty. Regal Oliva, ang City Treasuer sa Mandaue City, nagkanayon nga misalmot ang kapin sa tres mil ka mga membro sa ug supporters sa nagkalain laing mga grupo sa LGBTs sa lalawigan sa Sugbo alang sa Pride March.

Matod ni Oliva, nga mao usab ang LGBT Champion sa dakbayan, nga mapasigarbohon nga mipaso ug mipakita sa ilang mga nagkadaiyang mga de kolor ngga costumes ang mga misalmot.

“We marched happy and proud for the world to know that we deserve our place in the community,” matod ni Oliva.

Si Atty. Elaine Bathan, ang chief of staff sa Mandaue City, nagkanayon sa iyang mensahe nga abli ang dakbayan ug hingusganon kining mudisiplina sa mga establisimento nga dili muhatag og makiangayon nga pagtagad sa mga LGBTs.

“The city of Mandaue is the first to pass the ordinance that everyone is equal regardless of sexual orientation, gender identity or expression (SOGIE) and we will continue to enforce that,” matod ni Bathan.

Gani aduna nay usa ka kompanya ang gipadad-an og warning tungod sa di makiangayon pagtagad sa usa ka empleyado nga LGBT member.

Didto usab dala ang iyang kapin ka mga membro sa LGBT si Lapulapu City Mayor Paz Radaza.

Nagpakita og mga talento ang mga nagkalain laing mga grupo didto pa lang sa parade hangtud nag abot sila sa atubangan sa Mandaue City Hall diin  gipahigayon ang programa.

Adunay mga paghatag og awards sa mga labing daghan, pinaka colorful, pinaka hugyaw.   Mihatag usab og mga advocacy statements ang mga nanguna sa maong sektor.

“What is happening right now was once a dream, there were conflicts  among LGBT groups but now we are one, I hope this will be sustained,” matod ni Maki Gingoyon, Miss Gay 2017 Mandaue.

Labing una kining Pride March gawas sa mga gipahigayon didto sa kauluhan. 

Gitinguha sa mga nagpasiugda nga mahimo kining tinuig na nga kalihokan.

Bag-ong ekipo sa pangluto alang sa LLCC gikan sa Mactan Isla

“Dili na mi maghuwat og dugay sa turno sa pa bake, mas sayon na ni sa mga estudyante karon,” mao kini ang pamahayag sa Gerald Alquizalas, 23 anyos kanhi esutdyante ug karon magtutudlo na sa Lapulapu City College (LLCC).

Mibuhat siya og pulong pasalamat atol sa pagtugyan sa bag-o nga kusina ug dining area sa LLCC, nga proyekto tabang sa Mactan Isla Resort and Casino usa sa mga daglong establisimento sa turismo 

sa maong dakbayan.

"Sauna, maghuwat gyud mi sa among turn nga maka bake ug cake and we are using the

traditional way of baking, karon with the new facilities, students will no longer wait for their turn because they have these new equipments they can use individually", Alquizalas said.

Iyang gipasalamatan ang inahan sa dakbayan si Mayor Paz Radaza sa pag atiman City College, labi na gyud nila mga tinun-an sa Bachelor of Science in Hospitality Management.

Buot pasabot niani mas muhanas na unya sila sa ilang nakat-onan ug makakompetensya na sila sa mga gikinahanglan sa industriya sa turismo.

Matod ni Mayor Radaza, ang maong mga ekipo lakip na ang mga makat-onan unya sa mga tinun-an maoy gikinahanglan karon ug sa umaabot tungod ka yang dakbayan gitawag man nga “Historic Resort City”.

Gipasalamat ni Radaza ang mga opisyales sa Mactan Isla, pinangunahan ni Son Byung Cheon, ang executive director, Kim Yong Hee, general manager, Kim Hyo Sang, ang manager sa Casino, sa pagdungog sa hangyo sa pagtabang.

Ang Mactan Isla ang labing una sa mga gipangayuan og tabang nga mas mapanindot ang maong publikong kolehiyo.

Matod ni Pablo Aloyan, ang finance manager sa maong resort, nga mikabat og P2.3 milyones ang maong proyekto ug nahuman kini sa 45 ka adlaw.

“We made sure that the kitchen and dining area will already be usable when classes start,” matod ni Aloyan.

Ang Mactan Isla usa sa labing unang mitanyag og accommodation ug casino sa mga turistang Korean.

Anaa kini mahimutang sa sa Agus Street, Marigondon Dakbayan sa Lapulapu. (fcc/PIA-Cebu)