50 ka paresan mipirma'g libre'ng FOREVER sa Compostela

Habal-habal and forever 

Usa kini sa 50 ka mga paresan nga nanumpa nga mag-inunungay hangtod sa kahangturan sa gihimo nga mass wedding sa lungsod sa Compostela kagahapong adlawa didto sa barangay Cabadiangan Gym.

Matod ni Fe Lawas, ang Public Information Officer sa lungsod sa Compostela nga ika lima na kini nga higayon ang pagpakasal nga dinaghan sa mga nag ipon ipon, o ang mga gusto gyud nga ma pormal na ang ilang panagpuyo pinaagi sa sakramento.

Si Reverend Father Scipio Deligero ang mi selebrar  ug nangluhod mao ang mga opisyales sa Compostela gipanguluhan ni Mayor Joel Quiño ug Bise Mayor Joy Abing ug ang mga konsehales.

Si Father Deligero mitambag sa mga gikasal nga padayon ang paghigugmaay ug ang pagsimba sa Ginoo.

"Magkita kita gihapon ta sa simbahan matag Domingo ha," matod sa pari.

Ang mga magtiayon gipasimba og upat ka Domingo sa matag alas sais sa buntag aron sila maanad.

Lakip usab sa mitestigo mao ang hepe sa kapolisan si PSInsp Junafe Vergara, SFO4 Roger Loro.

Matod ni Lawas nga ang gasto sa magtiayon mao ra ang ilang sakyanan ug sinena.  Ang munisipyo na ang milibre sa pagkaon, lakip na ang mga decorations, ug program ug souveniers.

Gi libre na sa Local Civil Registrar ang paghikay sa Certificate of No Marriage (CENOMAR) ingon man ang Marriage Certificate.

Ang mga Department Heads ang nag contribute sa mga regalo.


Ang Compostela anaa sa habagatang bahin sa Sugbo.

Usa kini sa mga nagtubo ang eonomiya tungod sa mga nagkalain lain ng mga subdivisions and developments nga anaa didto karon. (fcc)

CEBUANO CAOCAMPIO NEWS - 49 ka paresan na kasal libre sa Danao

Libreng kasal gipahigayon sa dakbayan sa Danao napahimuslan sa 49 ka paresan.

Adunay 49 ka mga pares nga taga Danao ang gibugkos na sa kaminyoon sa libre nga seremonyas nga gipasiugdahan sa City Government sa unang semana ning bulan sa Pebrero 2016.

Ika-tulo na kini nga tuig nga gi organisa sa dakbayan.

Kining maong mass wedding gisalmutan sa 49 ka mga paresan nga nag-ipon na isi managtiayon sa pila na ka tuig nga gani nakabaton na og kini og mga anak.

Sila si Rev. Fr. Leonilo Igloria ug Rev. Fr. Moenil Lapa ang mipahigayon seremonyas sa kaminyuon sa Sto. Tomas de Villanueva Church.

Adunay mibarog nga duha ka mga sponsors sa matag paresan.

Pagkahuman niini, usa ka salo-salo para sa mga kinasal ang giandam ug gihimo sa City Civic Center.

"Ang buwak ug dekorasyon sa simbahan, singsing ug pagkaon sa salo-salo para sa mga gikasal ug ilahang mga sponsors libri nga giandam sa gobyerno," matod ni Roland Perez, ang kasamtangang Local Civil Registrar.

Ang City Civil Registry Office Staff ang nitabang sa mga pagpangandam sa mga gikinahanglang mga rekisito sama sa local birth certificate, baptismal certificate, confirmation certificate, Cedula ug libri nga Certificate of No Marriage (CENOMAR).

Gikalipay kini sa mga magtiayon sama sa managtiayon nga si Delfin ug Elma Sajulga nga nakasalmot niining programa sa gobyerno.

Matod nila pangandoy nila nga makab-ot ang sakramento sa kasal nga gamay ra ang gasto.

Mao pod ni ang gibati sa magtiayon Antonio ug Evangeline Jamile, taga Taboc, Camaligbato Danao, nga nagpuyo sulod sa 19 ka tuig uban sa 10 ka mga anak.

Kung ang panuigon usab ang hisgutan, wala nagpababag sila Licenio ug Josie Mondigo.

Bisan pa og 44 na si Licenio, gipakaslan gihapon niya ang inahan sa iyang lima ka mga anak. Ang managtiayon 17 na ka-tuig nagpuyo sa Pulangyuta, Looc Danao.

Kini nga programa gihimo sa tuyo sa “Legitimation of children of unmarried parents’ ug

gipanguluhan kini sa Sangguniang Panlungsod Committee on Women, Family Upliftment and Social Services, chaired by Honorable Ivy Durano-Meca inabagan sa City Mayor’s Office, City Social Welfare and Development Office, City Civil Registry Office ug uban pa nga opisina sa Danao City Government.

Danao City Vice Mayor Red Durano sa iyang mensahe sa mga bag-ong kasal

Apil sa mga nitambong sa mass wedding mao sila Vice Mayor Red Durano, Board Member Miguel Magpale Board Member Jude Subico, mga myembro sa konseho sa Dakbayan, City Legal Counsel nga si Atty. Edmund Lao ug ang mga Department Heads.(Jennifer Cal, Danao City Public Information Associate/FCC)