Inquiry sa SSS, anaa na sa cellphone!

Maayong balita!

Aduna nay mobile application nga gilusad ang ang Social Security System (SSS) alang sa mga miembro. 

Mamahimo na nga matan-aw sa usa ka miembro ang iyang mga records mismo sa iyang cellular phone pinaagi sa mobile app nga aktibo na sa pagkakaron. 

Matod ni SSS President ug Chief Executive Officer Emmanuel Dooc, ang maong mobile app gilusad aron mas sayon ra sa  mga miembro nga matan-aw ang iyang mga impormasyon pinaagi sa mga smartphone ug mga tablets.Og sila dili na kinahanglan nga muadto mismo sa buhatan sa SSS.

“Based on recent studies, smartphone usage in the Philippines will increase by 70 percent this year. In that regard, we are taking advantage of this opportunity by creating this SSS Mobile App so that members can easily access SSS information and services right at their fingertips,” matod ni Dooc.

Libre lang ang SSS Mobile App nga mamahimo kining e download sa mga smartphones ug mga tablet nga nagdagan sa Android 4.4 Kitkat o mas taas nga operating system ug ingon man sa IOS 8.0 o mas taas nga bersyon. 

Mamahimo kining ma download sa Google Play Store ug Apple App Store.

Aron kini magamit, gikinahanglan nga mu log-in pinaagi sa My.SSS account's user ID ug password. 

Sa mga miembro nga wala pay My.SSS account yet kinahanglan nga mubuhat og account ug mu “register” pinaagi sa nga naa sa sidebar.

 

“They should be connected to the internet through mobile data or WIFI connection before using the SSS Mobile App. However, data charges may apply depending on their internet service provider or data usage plan,” dugang ni Dooc.

Ang mga impormasyon nga  makuha sa  SSS Mobile App mao ang mga estadu sa kontribusyon; sickness, maternity, disability and retirement claim information; Employees Compensation (EC) Medical status; salary loan application status ug outstanding balance; location of SSS branch offices; ug ang mga documentary requirements alang sa  SSS membership, benefit claims application (i.e. sickness, maternity, EC Medical, disability, retirement, funeral ug death), personal data amendment, ug UMID Card enrollment.

“As you can see, the features of the SSS Mobile App is almost the same with the Text-SSS facility,” Dooc said.

Matod ni Booc dili ikabalaka sa mga miembro nga adunay pagbinuang o pagkawas sa mga personal nga impormasyon tungood kay aduna kini mga security features og lig-on ang pag pangayo sa user ID and password.

Alang sa dugang impormasyon mamahimong muadto sa SSS Website (www.sss.gov.ph), o motawag sa  SSS Call Center Hotline 920-6446 up to 55 o local toll-free number 1-800-10-2255-777, o padala email sa onlineserviceassistance@sss.gov.ph.

Nasayran nga kasagaran sa mga negosyo ug mga serbisyo anaa na makit-an sa cellphone tungod kay mao na kini ang pirme nga giatobang sa mga konsumidor.