DOE sa mga oil retialers- Sunod lang, ayawg supak

Mipahimangno ang nangulo sa Department of Energy (DOE) nga gikinahanglan nga musunod ang mga petroleum retail outlets sa ikaduhang hugna sa sakka sa fuel excise tax aron dili sila mapasirad-an.

Matod sa tigpamaba sa DOE Felix William Fuenteballa nga giklaro ni ni Secretary Alfonso Cusi ug ingon man ang tibuok departamento, ang kampanya kabahin sa pagsaka sa fuel excise tax.

“The Secretary has been very clear - cooperate, don’t violate. We have been actively explaining and clarifying the implementation process for this second tranche. Dahil klaro ang lahat, mas mainam na tayo’y sumunod kaysa naman kapapasok pa lang ng bagong taon, isasara tayo,” matod ni Fuentebella.

Sa pagkakaron gipanghingusgan usab sa maong buhatan ang pagmonitor sa mga oil stocks sa nagsingabot sa pagsaka.

Gitan-awn nga aduna unyay mga oil retail outlets nga illegal nga magtapig sa mga stocks aron makapahimulos sa pagsaka sa presyo unya.

Mipagawas og direktiba ang DOE niadtong Septembre sa miaging tuig nga nagmando sa tanang mga kompanya sa lana sa pagsumiter matag depot ug matag produkto og inventory report  hangtud sa pagtak-op sa tuig Disyembre 2018.

Gawas niana gipasumiter usab sila sa beginning inventory sa Enero 1, 2019 hangtud sa paghurot niini.

Gibuhat ang maong mga lakang aron mapasiguro nga padayon nga gipatong ang excise tax sa 2018 nga inventories samtang ang ikaduhang hugna mapatong na sa mga imported ug local nga mga stocks nga bag-o sa 2019.

Ang pag usbaw sa excise tax sa mga produkto sa lana anaa sa Tax Reform for Inclusion and Acceleration (TRAIN) Law nga iimplementar sa tulo ka hugna sugod miaging tuig. (fcc/PIA7-Cebu)