MGA SSS pensioners nakadawat na sa 13th month pension

Gipahibaw sa state run Social Security System (SSS) nga nakadawat na ang kapin sa 2.4 million ka mga pensioners sa ilang 13th month pension pay sa wa pa miabot ang Disyembre.

Gipahibaw ni SSS President ug Executive Officer Emmanuel F. Dooc nga nakapagawas na og balor P21.9 billion sa mga disbursing partner-banks niadto pang Nobyembre 15.

Kini aron maabot na sa kamot sa mga pensionado ang ilang pension sa Disyembre ug laing usa ka buwan nga 13th month pension.

Kapin sa P10 bilyones ang sa pension sa Disyembre og laing P10 bilyones ang subra nga buwan.

Matod ni Dooc nga giplantsa na sa Philippine Postal Corporation (Philpost) nga mauna ang paghatod sa mga cheke sa SSS sa buwan sa Disyembre.

Siya nagkanayon nga aduna gihapoy 15,000 ka mga pensioners sa mga lagyong lugar ang  gusto gihapon nga makadawat sa ilang pension pinaagi sa cheke nga ipadala sa mail.

Ang 13th month pension gihatag nga dugang benepisyo sukad niadtong 1988.

GSIS muadto na sa mga dakbayan sa Bogo, Danao pag-atubang sa mga pensioners

Attention mga pensioners sa mga dakbayan sa Bogo ug Danao!

Ang Government Service Insurance System (GSIS) muanha sa inyong dapit karon musunod nga mga adlaw alang sa pag akatar sa gikinahanglan sa mga pensioners ug survivors.

Alang sa mga GSIS Pensioners nag idad og 79 paubos, ang grupo sa GSIS mupahigayon og Annual Pensioners Information Revalidation (APIR) ug Annual Renewal of Active Status (ARAS) dinha sa duha ka dakbayan sa habagatang lalawigan sa Sugbo. 

▪️ BOGO CITY HALL karong SABADO, JULY 14 gikan sa 8AM ngadto sa 3PM. Ang mga pensioners dili lang sa Bogo, lakip na ang anaa sa Bantayan Island, Daanbantayan, San Remegio, Tabogon, Tabuelan, Medellin, ug Borbon.

▪️ DANAO CITY POBLACION COVERED COURT karong LUNES, JULY 16 gikan sa 8AM ngadto 3PM. Giawhag nga mutambong ang mga PENSIONERS edad 79 years paubos gikan sa Liloan, Compostela, Danao, Carmen, Catmon, Sogod, ug Camotes Island.

Ayaw sipyata ang pag adto, panahon na kini nga anaa sila duol sa inyong nahimutangan ug dili na kamo kinahanglan nga muari pa sa dakbayan sa Sugbo. 

(Announcement from GSIS Cebu Manager Atty. Merceditas Enriquez)