P8B gikan sa BCDA ngadto sa AFP, labing taas nga tampo sa 25 ka tuig

Mas dakong pundo alang sa modernisasyon sa Armed Forces of the Philippines

(AFP)  ang nagahin sa Bases Conversion Development Authority (BCDA) ubos sa administrasyon ni Presidente Rodrigo Duterte.

Matod ni BCDA President ug Chief Executive Officer (CEO) Vivencio Dizon sa usa ka pamulong sa

mga public information officers, nga mihatag og P8B ang maong ahensya alang sa AFP sa miaging duha ka tuig.

Kini mao ang labing dako nga kantidad nga gitugyan ngadto sa AFP gikan sa BCDA sukad kini nahimo nga ahensya sa 1992.

Ang BCDA mao ang nagdumala sa mga katigayonan sa mga military sama sa ilang mga daan nga kampo o mga base ug gihimo kini nga mga premier economic centers.  Usa sa labing sikat nga property niini mao ang Bonifacio Global City.

Ang maong kantidad naglangkob sa 20 porsyento sa kinatibuk-ang P;40 bilyones nga nadawat sa mga men and women in uniform gikan sa BCDA sa 25 ka tuig.

“That just shows everyone how important the AFP is to this administration. We want this to just keep on growing and growing. We want that trend to keep on going up,” matod ni Dizon.

Ang Bonifacio Global City sa Taguig, Manila ang usa sa mga properties nga gidumala sa BCDA 

 Matod ni AFP Deputy of Staff for Plans and Programs Brig Gen Restituto Padilla Jr. ang dugang suporta alang sa mga kasundalohan nakapataas sa ilang moral labina human sa kagubot didto sa Marawi sa Mindanao.

Mipasalig ang Presidente sa hingusgangg suporta sa mga kasundalohan ug kapolisan ubos sa iyang administrasyon. (fcc/PIA7-Cebu)

Catch my attention! - matod ni Digong

Aron masumpo ang korapsyun ug uban pang mga binuang nga binuhatan sa mga anaa sa gobyerno, gusto ni Presidente Rodrigi “Digong” Duterte nga magsaba saba.

“You complain, assert, assert, mag create kayo ng eksena, catch  my attention,” matod ni Digong.

Ang naka apan sa Pilipino, matod niya, kahibalo sa mga katungod apan wala kini buhaton kun kini matamakan.

“On the first hint, you know the thing about corruption is that,  ang Filipini hindi assertive he knows his rights he will complain about it but he will not do anything,” matod ni Digong.

Siya nagkanayon nga dili siya magduha duha og imbestigar o pataktak sa mga tawo sa gobyerno nga gabuhat og korapsyon.

Iyang gisultian ang mga negosyante, nga klarohon sa paglukat sa mga permits, kun unsa pa ang kulang sa mga dokumento aron kini dali daling ma korehian.

Gikinahanglan nga adunay “routine slip” diin nahibaw-an anus-a gisubmit, ug asa na kini nga lamesa ug unsay aksyon.

“Ang mga directors sa departments must husband the papers, siya mismo ang magtingin kung saan yung papel at a given time, and they are only given 15 days,” matod sa Presidente.

Iya usab gimando ang pagpamenos sa mga gikinahanglan nga mupirma aron mapadali ang mga transaksyon.

Mahimong mureklamo dayon sa Ombudsman ang mga agrabyado, gipangpangayuan og hingi ug uban pang mga maniobra.

Si Duterte mao ang nagpapanumpa sa mga bag-ong opisyales sa grupo sa mga magpatigayon sa Sugbo

ang Cebu Chamber of Commerce and Industry.

Gihangop sa natudlo pagbalik nga Presidente, Melanie Ng ang mga pulong ni Duterte.

Makapagana kini sa mga magpatigayon. (fcc/PIA7-Cebu)