CEBUANO: Bag ong hiniusang pwersa batok sa problema sa CAR og CICL mipirma og kasabutan; Mga ginikanan apil sa pagdisiplina

CEBU CITY, May 30 (PIA) –  Mga gikinanan lakip sa mga disiplinahon sa bag-ong naumol nga hiniusang kasabutan alang sa pagsulbad sa problema sa libud suroy ug ubang problemadong kabatan-onan.

Sa usa ka “Covenant”  nga gipirmahan sa kabin 20 ka mga non government ug government organizations, nalatid didto nga apilon ang pagdisiplina sa mga ginikanan sa hugot nga pagpatuman unya sa mga balaod nga nagtan-aw sa kahapsay sa komunidad og kaugmaon sa mga batan-on.

PI Arieza Otida, hepe sa CCPO FGJS 

Matod ni Police Inspector Arieza Otida, ang hepe sa Family Gender Juvenile Section (FGJS) sa Cebu City Police Office (CCPO), nga aduna na unyay binuwan nga pagpang ronda sa nagkalain laing dapit batok sa mga libud suroy.

Kini bisan pa man wala pa muluwat ang panggamhanan, nga buhion sa makausa pa ang balaod kabahin sa curfew.

Kining maong “Covenant” nga alang sa ginganlan og “Operation Gugma”  pinirmahan sa mga civic organizations og mga ahensya sa gobyerno naglatid sa mga nagkalaing laing serbisyo nga ehatag alang sa 

katuyuan nga masulbad ang maong mga issues sa kabatan-onan.

Ang PIA lakip sa mipirma sa Covenant sa Prevention nga aspeto 

Nasabutan usab sa maong Covenant nga aduna nay “shelter” o  kasamtangang kapunduhan sa mga ma rescue unya sa pagpang ronda.  Kini mao ang nakabalda sa mga operasyon sa kapolisan tungod kay wala silay kapondohan sa mga minors nga ma rescue.

Gibahin ug tulo ka matang sa serbisyo ang anaa sa maong Covenant.

Naglakip didto ang kabahin sa Prevention  (Paglikay), Intervention and Diversion ug ang Reintegration (Pagbalik sa komunidad).

Ang aspeto sa “shelter” o kapuy-an, kapundohan, anaa mahimutang tunga tunga sa Intervention o Diversion. 

Dinhi ebutang sila sa theraphy, education sessions, aron sila maayo sa panghuna huna og makabaton og saktong panglantaw sa kinabuhi.

PSUPT Artemio Ricabo, Deputy City Director 

Dinhing dapita apilon na ang mga ginikanan sa kadtong  mga na rescue nga anaa pa.

Aduna usab lecture on “Responsible Parenting” alang sa kadtong ma rescue sa curfe bisan sa Intervention pa lang daan nga aspeto.

Sumala sa kasabutan, ang mga ma rescue dad-on una sa Parian Drop in Center para sa evaluation.

Mi commit ang Cebu City Task Force on Street Children nga makapasilong sila og 35 ka mga na rescue og ang Philippine Teen Challenge napulo ka mga CICL .

Ang Department of Social Welfare and Development (DSWD) sa rehiyon og sa dakbayan muabaga sa pagkaon og ubang mga panginahanglan.

Ang ubang mga  civic groups sama sa Rotaracts, Zonta Cliub , Lions International, Dilaab Movement, DoN Bosco Boys Home, Juvenile Justice Welfare Council, Legal Alternatives for Women magmugna unya og mga action para maayo sila og ang ilang pamilya.

Ang flowchart sa mga serbisyo 

Ang CCPO mu detail og tulo ka mga police matag adlaw sa duha ka mga shelters ug ang Cebu Prosecutors Office maoy muabag sa legal nga concerns sa mga bata.

Nahimong vicous cycle oo problemang gatuyok tuyok ang mga libud suroy og mga CICL.  Nasayran nga adunay kapin 400 ka mga libud suroy ang nalista sa mga kabarangayan. (fcc/PIA7-CEBU)