Pagbantay: Fake News sa dakbayan sa Naga nagkatap

Ayaw mo og ka kurat!

ANG Dakyaban sa Naga mipahimangno sa mga lumulpyo sa dili pagtuo sa mga PEKENG BALITA o Fake News nga nagkatap sa Social Media. 

Pinaagi sa Public Information Office, mipagawas ang dakbayan sa Naga og usa ka pahimangno sa mga taga Naga nga dili dayon mutuo sa mga nagkatap karon nga mga posts ug mga komento sa nagkadaiyang mga PEKENG BALITA.

Naglambigit ang maong mga PEKENG BALITA sa bag-ohay ang nga nahitabo nga dakong pagdahili sa Yuta diin pipila ka mga kinabuhi ang nakalas. 

Ang mga PEKENG BALITA nga gitataw mao ang mga posts kabahin sa "paglihoksayutasa Barangay Tinaan",  "ang paglunop sa Naga tungod sa tubig nga dili makontrol", ug ang "dakong liki sa Magdook".  

Aduna usab usa ka topographic map nga gipakatap apan sayop ang paghubad sa impormasyon.

"Ang DENR- Mines and Geosciences Bureau (DENR-MGB)ra ang adunay kahanas ug autoridad nga mo-ila sa mga peligro o kritikal nga dapit sa Naga. " 

 Matod nila Sa pagkakaron, nagpaabot ang LGU sa Naga sa resulta ug mga rekomendasyon sa nagpadayon nga  assessment o pagsusi nga gipahigayon sa ulohang buhatan sa  DENR-MGB.  


Gipasaligsa City LGU nga kung adunay nay resulta ug mga rekomendasyon nga isubmite ang DENR-MGB, dayon kini ipahibalo sa publiko.

Gi-awhag usab ang publiko sa paghunong niining mga klase nga impormasyon, komento o posts sa social media tungod kay magdala lang kini ug kalisang, kagubot, ug kahadlok sa tanan.

Midugang og pahimangno nga mamahimong mapasakaan og kaso ubos sa   Akta Republika  No. 10175 o Cyber Crime Prevention Act   ang mga indibidwal nga  magpataka og post hilabina kung wala kini igong basihan ug kamatuoran.

 Gihangyo ang tanan sa dili pagpakatap niining mga sayop nga impormasyon, komento o posts  kay dili gayud kini makatabang hilabina sa nahitabo sa dakbayan karon. 

Alang sa mga tukma nga kasayuran kabahin sa mga panghitabo sa Naga e click lang ang maong link : City Government of Naga Facebook. 

Baratong bugas itanyag atol sa kasaulugan sa Bulan sa Kababayen-an

Aniay bag-ong balita alang sa mga Nanay, Iyaan, Ameyga, ang Department of Agriculture Regional Field Unit 7 mupahigayon og usa ka Farmers Rice Outlet (FRO) diin mapalit dinhi ang barato ug sustansyadong bugas.

Si Atty. Salvador Diputado, ang regional Director sa DA mi anunsyo nga karong Marso 16, 2018 gikan sa alas otso sa buntag ngadto sa alas singko, muserbisyo ang Farmers Rice Outlet diin makapalit ang publiko, labi na ang mga kababayen-an nga maoy magdala og budget sa panimalay.

Mahimong mapalit didto sa FRO ang mga undermilled rice (kausa ra gigaling) sa presyo nga tag p38 matag kilo; regular milled rice tag P42 ug ang premium milled rice nga tag P46. Mahimo nga makapalit og duha ngadto sa lima ka kilo matag tawo.

Ang mga bugas mga abot gikan sa mga mag-uuma sa Bohol, ang Bohol Federation of Farmers Cooperative (BOFAMCO) nga gigaling sa Rice Processing Center sa Pilar.

Busa adto na ta sa Farmers Rice Outlet (FRO) karong Biernes!

Kapin 400 ka trabaho sa 2 ka adlaw nga CPA job fair

Nagpadayon karon, hangtud ugma ang gilusad nga labing una nga Job Fair sa Social Hall sa Cebu Port Authority (CPA) Social Hall.

Ang maong kalihukan lakip sa selebrasyon sa ika 25 nga Anibersaryo sa CPA dinhi sa lalawigan sa nasod.

Matod ni Claro Cajegas, ang gitahasan mangulo sa maong kalihukan, dul-an 500 ka mga trabaho ang gi tanyag sa mga miapil sa 11 ka mga kompanya.

Naglangkob kini kasagaran og mga shipping lines, port services, ug mga call centers.

Ang mga posisyon mamahimo nga aplayan bisan sa mga graduado lamang sa high school.

Aduna po'y kompanya, na wala nanginahanglan og age requirement, ma antigo lang sa mga guimbuhaton.

Kasagaran sa mga trabaho para sa mga crew, officers and ship attendants, messengerial, finance staff, graphics, computer assistant ug uban pa.

Gitinguha sa CPA na himuon na nga tinuig nga kalihokan sa matag selebrasyon nila sa kasumaran sa pagka tukod, matag Hunyo 26.

Ang CPA anaa mahimutang sa Cebu International Port Complex (CIP), Cebu City.

OPISYAL NGA PAMAHAYAG gikan sa mga awtoridad bahin sa Inabanga encounter

Miluwat og opisyal nga pamahayag ang kasundaluhan ug kapulisan taliwa sa nahitabo nga engkwentro batok sa gidudahang mga miembro sa armadong Abu Sayyaff didto sa lungsod sa Inabanga.

Gipasalig sa mga kadagkoan nga dili kini makaapekto sa kinatibuk-ang siguridad sa Lalawigan ug andam sila sa bisan unsang sitwasyon.

Gitan-aw nga mudagsa ang mga dumuduong sa lalalwigan sa Bohol sa mga bulan sa bakasyon.  Nagkasaka ang ekonomiya sa turismo bisan pa man sa mga naagian nga mga problema sa insurhensiya ug linog.  

Ang Gobernador sa Sugbo, Hilario Davide III, nagkanayon nga kanunayng mabinantayon ang mga anaa sa Sugbo tungod kay kasikbit lang kini sa Bohol. 

Catch my attention! - matod ni Digong

Aron masumpo ang korapsyun ug uban pang mga binuang nga binuhatan sa mga anaa sa gobyerno, gusto ni Presidente Rodrigi “Digong” Duterte nga magsaba saba.

“You complain, assert, assert, mag create kayo ng eksena, catch  my attention,” matod ni Digong.

Ang naka apan sa Pilipino, matod niya, kahibalo sa mga katungod apan wala kini buhaton kun kini matamakan.

“On the first hint, you know the thing about corruption is that,  ang Filipini hindi assertive he knows his rights he will complain about it but he will not do anything,” matod ni Digong.

Siya nagkanayon nga dili siya magduha duha og imbestigar o pataktak sa mga tawo sa gobyerno nga gabuhat og korapsyon.

Iyang gisultian ang mga negosyante, nga klarohon sa paglukat sa mga permits, kun unsa pa ang kulang sa mga dokumento aron kini dali daling ma korehian.

Gikinahanglan nga adunay “routine slip” diin nahibaw-an anus-a gisubmit, ug asa na kini nga lamesa ug unsay aksyon.

“Ang mga directors sa departments must husband the papers, siya mismo ang magtingin kung saan yung papel at a given time, and they are only given 15 days,” matod sa Presidente.

Iya usab gimando ang pagpamenos sa mga gikinahanglan nga mupirma aron mapadali ang mga transaksyon.

Mahimong mureklamo dayon sa Ombudsman ang mga agrabyado, gipangpangayuan og hingi ug uban pang mga maniobra.

Si Duterte mao ang nagpapanumpa sa mga bag-ong opisyales sa grupo sa mga magpatigayon sa Sugbo

ang Cebu Chamber of Commerce and Industry.

Gihangop sa natudlo pagbalik nga Presidente, Melanie Ng ang mga pulong ni Duterte.

Makapagana kini sa mga magpatigayon. (fcc/PIA7-Cebu)

Minglanilla Cebu Business Chamber natukod na

Aniay maayong balita sa lungsod 

Nasayran nato gikan sa atong Ka CAOCAMPIO nga si Eric Pagar nga nagkahugpong na ang mga

Lumen Canedo-Selma, 1st President MCDC

magpapatigayon sa lungsod og natibuok ang Minglanilla 
 Cebu Business Chamber (MCDC).

Susama na kini sa mga dagkong dakbayan ug mga kalungsoran sa lalawigan nga aduna nay lehitimong business group.

Napili isip unang president ang dugay ng negosyante sa konstruksyon nga si Filomena Selma Canedo sa Canedo Equity Ventures. Iyang Bise Presidente mao si  Mr. Eric Leys, Leys Properties; Secretary, Ms. Araceli A. Esgana, One Destination Business & Travel Solutions; treasurer Mrs. Myra Mantalaba Lapitan sa,Jomara Group of Companies; Assistant Treasurer Jenny Young, Ebotec Builders.

 

 Dugay ng gipangandoy sa lungsod nga adunay business group nga mamahimong katambayayong unya sa panggamhanan sa pagpaugmad saa ekonomiya.

Si Mayor Eleanito Pena nagkanayon nga adunayy dagkong mga proyekto ang gilinya na sa pag implementar sa lungsod.

May plano ang Minglanilla nga magbuhat og reclamation project, international port, adunay bypass road ug ang downtown financial district.

Pipila ka buwan ang nalabay og naghimo sila og mga consultative meetings kauban ang  president sa Mandaue Chamber of Commerce of Industry nga si Glenn Soco.

Si Soco mao ang nakapanag iya sa Cebuano coffeeshop nga “Coffee Dream”.

“Ang business chamber magpabiling neutral, apolitical,” Glenn Soco.

Ang lungsod sikat tungod sa kalihukan matag Cuaresma, mao kini ang “Kabanhawan Festival”.

Siya natung-an sa duha ka dakbayan, ang Talisay City ug ang Naga City.

CEBUANO NEWS: Pilipinas mudugang SAF, sundalo; modernong ekipo batok terorismo

Pilipinas mudugang og mga sundalo, elite force ug mga modernong kahimanan sa seguridad.

Gibutyag ni Presidente Rodrigo Roa Duterte sa iyang pagbisita sa kampo sa mga military dinhi sa dakbayan sa Sugbo nga pagaandaman ang nag ung ung nga dakong hulga sa nasod, mao kini ang terorismo.

Quatar Airways promo

“But I am warning you that five to 10 years from now the biggest problem will be terrorism, “ matod ni Duterte.

Tungod niani gikinahanglan nga dugangan ang kusog sa mga Special Action Forces sa Philippine National Police (PNP) ug ingon man ang mga anaa sa Armed Forces of the Philippines (AFP).

Vacation in Asia, try here for affordable trips

Siya nagkanayon nga sa Department of National Defense (DND) Secretary Delfin Lorenzana misugyot nga adunay dugang 20,000 ka mga sundalo. Apan matod niya dili pa kini makaya sa sunood tuig.

“I’d be happy if we have about five battalions of SAF (Special Action Forces) and produce another 10,000 more soldiers next year, okay na tayo, okay na ang Pilipinas ,” matod sa Presidente.

Gawas niini, iya usab nga gipasalig nga mupalit og de kalidad nga mga armas og ubang mga modernong kahimanan alang sa seguridad sama sa mga drones ug mga intelligence apparatus.

Sports fashion and all

Dako siyang supak sa pagpalit sa mga armas pinaagi sa “bidding”.

Matod niya dili siya mutuo og “lowest bidding” tungod kay muresulta usab kini og “lowest quality”

“If there’s a question of quality then that is an issue for me.  Para sa akin issue ang quality lalo na sa (hand gesture of a firearm) buhay kasi ang pinag-uusapan dito eh,(for me, quality is an issue specially when it comes to firearms, we are talking about lives here),” matod ni Duterte.

Siya nagkanayon nga mupalit unya ang Pilipinas sa nasod sa Israel ug kini pinaagi sa negotiated purchase.

Trending affordable clothing here 

Si Duterte mibisita og duha ka kampo sa miaging Biernes ug ikaduha mao ang Camp Lapulapu sa Sugbo.

Mao kini ang labing unang pagbisita niya sukad nga siya nakadaog nga ug milingkod nga Presidente sa Hulyo 1.(fcc/PIA7-Cebu)

CAOCAMPIO News Bits: 313 mitahan sa 8 ka LGU's sa Sugbo

Kapin sa 300 ka mag personahe nga nalambigit sa ginadiling droga ang mitahan sa balaod sa walo ka mag local government units sa lalawigan sa Sugbo.

Kini nahitabo sa unang duha ka adlaw rong semana sumala sa mga taho sa mga information officers sa dakbayan sa Mandaue, Carcar, Naga og Danao, ingon man sa mga lalawigan sa Asturias, Tabogon, San Remigio ug Santa Fe sa isla sa Bantayan.

  

         Matod sa Cebu Association of City and Municipal Public Information Officers (CAOCAMPIO) News Bits, mikabat na ug 313 ang natala nga mitahan gikan sa Lunes ngadto sa Martes niining semanaha.

Ang pinakadaghang mitahan mao ang dakbayan sa Mandaue nga mikabat og 160 ka mga indiviiduals, matod sa bag ong natudlo nga information officer Jeany Eve Ynot.

Misunod ang dakbayan sa Carcar, nga matod sa IO nga si Candice Acuna, 50 ang mitahan sa kapolisan niadtong Lunes.

Sa lungsod ni Mayor Zigfred Duterte sa Tabogon, gitaho ni IO Mercedette Toling nga adunay 35 ka mga individuals ang mitahan.

Si Cris Esgana, IO sa lungsod sa Santa Fe Bantayan mitaho nga adunay 30 kabuok ang mitthan fikan sa mga barangay Pooc, Poblacion og Talisay.

Sa lungsod sa San Remigio adunay 15 kabuok ang mitahan lakip na niana ang upat ka mga menor de edad, matod ni IO Nino Ybanez.

Sa dakbayan sa Naga, 11 kabuok ang miatobang sa bag ong Mayor nga si Kristine Chiong ug pito ang natala sa Danao City.

Sa lungsod sa Asturia lima ang mi surrender ug isa niana ang menor de edad.

Ang maong kalambuan avig duso sa pagpahigayon sa “Operation Tukhang” (Tuktuk Hangyo) diin bisitahon sa kapolisan ang mag gidudahan nga tigamitan o tigpayuhot og hangyuon sa pag usab.

Tinguha sa bag o milingkod nga Presidente sa Pilipinas Davao City Mayor Rodrigo Duterte sa paglimpyo og paghunong sa problema sa droga aron makasulod ang mag negosyo. (fcc/PIA7-Cebu)

CEBUANO : Mga taga kapitolyo, pagtinarong mo -- Gob Junjun

Mga napili pag usab Gobernador Hilario David III ug si Bise Gobernador Agnes Magpale 

 Mga empleyado sa Capitolyo, gipahimangnuan nga magtinarong  sa napili pag usab nga Gobernador Sugbo Atty. HilarioDavide III.

Atubangan sa mga kapin gatos ka mga empleyado nga mitambong sa sinemanang “flag raising ceremony’” karong adlawa, si Davide nagkanayon nga adunay mga kabag-ohan nga mahitabo labina sa Executive Department sugod karong Hulyo 1.

Flag raising-Hulagway kuha ni Jon de Paula,, Capitol staff 

“You better shape up or change your habitat,” matod pa ni Davide.

Matod niya angayan lang nga mutrabaho nga tinuoray og kasingkasing ang mga empleyado tungod kay mao kana ang angayan nga madawat sa matag Sugboanon.

“I expect all the best from you. So maningkamot gihapon kita (Let us still try),”matod ni Davide.

Nasayran nga prioridad gihapon ni Davide ang panglawas, infrastructura, kahapsay og kalinaw og  ang social services.

Sa dili pa ang flag raising. Hulagway kuha ni Jon de Paula, Capitol staff 

Si Davide gi proklamar nga mananaug human sa lima ka adlaw gikan sa piniliay tungod sa kalangan sa mga lugar nga adunay technical difficulties.

Nakakuha siya og Davide 616,381 botos og ang iyang duol nga gikaparang ang kanhi hepe sa Government Service Insurance System (GSIS) nga si Winston Garcia nakakuha og 593,725 votes.

Sa laing bahin sa susamang higayon, ang napili pag usab nga Bise Gobernador Agnes Magpale nagkanayon nga padayonon nila ang gitunguha nga paglambo sa tibuok lalawigan.

“This is a development that is for the last, lost and least of the Cebuano people,” matod ni Magpale.

Mukabat og duol tres mil ka mga empleyado ang Capitolyo lakip na niini ang naa nahimutang sa mga district og provincial hospitals. (fcc/PIA7-Cebu)

Cebuano News: Hiniusang programa alang sa mga libud suroy tutukan sa nagkalain laing grupo sa dakbayan

Hiniusang  programa alang sa issue sa mga libud suroy og mga kabatan-onang nahisalaag, pandayon sa mga nagkalain laing grupo sa komunidad.

PI Arieza Otida mipresentar sa sugyot sa pagsulbad sa mga libud suroy 

Gipanguluhan sa Womens and Protection Desk- Family Gender Juvenile Services (WPD-FGJS) sa Cebu City Police Office(CCPO), kapin sa 20 ka mga grupo ang milingkod aron pagtuki sa pagsulbad sa maong problema.

Ang problema sa mga libud suroy, ang nag una nga gitutukan sa mga police tungod kay matod pa sa hepe sa WPD-FGJS PI Arieza Otida, tuburan kini sa mga krimen sa komunidad.

“Kasagaran aning mga libud-suroy, adunay problema sa pamilya, og kani sila gamiton sa mga bating element sa pagbuhat og krimen sama sa pangawat,” matod ni Otida.

Matod niya ang maong problema nagtuyok tuyok o way kasulbaran tungod kay human sa pagbuhat sa kapolisan og rescue operation, mabalik raman gihapon ang mga batan-on sa kadalanan.

Si Otida nagkanayon nga ang mga civic organizations adunay mga programa para sa kabatan onan apan naglahi lahi kini o walay paagi nga ma sustener.

Gisugyot sa kapolisan ang pagbuhat og usa ka Shelter diin mapahimutang dire ang mga na rescue og dinhi mahitabo ang edukasyon og dibersyon apil napod ang mga programa diin mabalik sila pag usab sa normal nga panginabuhi sa komunidad.

“Dili namo makaya ang maong problema og nanginahanglan mi sa inyong tabang,” matod sa kasamtangang hepe sa CCPO nga si PSSUPT Benjamin Santos.

Nagkasinabot ang mga mitambong nga magtigom pag usab sunod buwan aron sa pag panday sa maong programa nga tutok lamang niini nga issue.

Nasayran nga adunay mga 400 kapin ka mga libud suroy ang anaa karon sa dakbayan sa Sugbo.

Ang mga mitambong sa tigom mao ang Zonta Club of Cebu, Rotary of Cebu, LIONS Club International, Share a Child Movement, Children of Cebu, SOS, Dilaab Foundation, Community Scout Center for the Youth, Cebu City Task Force for Street Children, Department of Social Welfare and Services, Philippine Information Agency, Childrens Legal Bureau, City Prosecutors Office, Legal Alternatives for Women  og ang 11 ka mga Police Stations sa CCPO. 

CEBUANO - Ang Nasudnong Awit

Pinakayanong pagyukbo sa usa ka Pilipino- ang kinasingkasing nga pagkanta sa Nasudunong Awit. 

 

Candid photo of MC Magsumbol, son of Caecent Magsumbol, Cebuano sportswriter

Yutang tabunon
Mutya nga masilakon
Putling bahandi
Amo kang gimahal

Mithing gisimba
Yuta s'mga bayani
Sa manglulupig
Among panalipdan

Ang mga bungtod mo ug lapyahan
Ang langit mong bughaw
Nagahulad sa awit, lamdag sa
Kaliwat tang gawas

Silaw sa adlaw ug bitoon
Sa nasudnong bandila
Nagatimaan nga buhion ta
Hugpong nga di maluba

Yutang maanyag, duyan ka sa pagmahal
Landong sa langit ang dughaan mo;
Pakatam-isom sa anak mong nagtukaw
Kon mamatay man sa ngalan mo.

BABAYENG SUGBOANON : Tomasa Nable, fruit vendor- Kainit sa Pagpaninda

Kun anus-a siya pahunungon sa Dios, diha pa siya mutuman.

Siya si Tomasa Nable, 93 anyos, byuda og nagpuyo sa barangay Cantipla, bukirang barangays sa dakbayan sa Sugbo.

Nakit-an siya nga naglukdo og usa ka nigo nga saging tundan og lakatan nga matod pa, iyang inangkat sa barangay Busay.

Naglabi sa iyang mga katuigan mao ang pagpaninda og bisan unsa lang, kasagaran niini ang mga prutas nga gikan sa kabukiran.8

Upat iyang anak, og ang pinakataas nga grado, gradwado og high school. Puro na sila mga minyo.

Naglayat  layat na lang si Nang Tomasa sa iyang mga anak aron magbantay sa iyang mga apo.

Apan tunga sa adlaw, maninda una siya, kay dili sya gusto nga magpa bug-at sa iyang mga anak.

"Maayo nalang para sa akoang mga tambal og palit kendi sa mga apo," matod ni Nang Tomasa.

Balewala kaniya ang naglagiting nga kainit sa adlaw og ang kakuyaw sa mga naghaguros nga mga sakyanan.

Siya makit-an sa buhatan sa Cebu City Police Office, Gorordo ngadto padulong sa Imaculada Concepcion og sa buhatan sa Department of Labor and Employment (DOLE).

Nang Tomasa, POWER WOMAN ka!

*Ang buwan sa Marso, buwan gipahinungod sa kababayen-an

ELEKSYON 2016 - Labing una nga "Peace covenant signing" gipahigayon sa Carcar City

Pagpirma ug “Peace Covenant” alang sa mga kandidato sa dakbayan sa Carcar gipahigayon.

The Peace Covenant

Karong adlawa, nagkatapok ang mga mudagan sa pwesto sa panggamhanan didto sa syudad sa Carcar aron mupakita sa ilang suporta sa hapsay og malinawong eleksyon.

Matod ni Candice Acuna, ang information officer sa dakbayan sa Carcar, gitakda alas 9 sa buntag karong adlawa Lunes ang pagpirma sa “Peace Covenant” o Kasabutan sa Kalinaw.

Gipangunahan kini sa Commission on Elections (COMELEC), Department of Interior and Local Government (DILG) og Philippine National Police (PNP).

Carcar City Acting Comelec Officer Arthur Patiga

Mitunga sa maong kalihukan sa incumbent Mayor Nicepuro Apura sa Nacionalista-Alayon Party, inubanan sa iyang Bise Mayor nga si Dr. Mario Patricio Barcenas og mga kandidato pagka konsehal.

Mitunga usab ang duha ka mga independente nga mga kandidato sila si  Vicente Balberonia Jr. and Agustin Sollano Jr.

Si Acuna nagkanayon nga wala mitunga ang isa ka grupo nga gipanguluhan ni Provincial Board Member Raul Alcoseba nga magpapili usab pagka Mayor. Siya nagikan sa Liberal Party.

Nasayran nga mitambong sa caucus sa PB si Alcoseba og daan ng nagpahibawo na dili maka tungah sa maong kalihukan.

Gipadayon gihapon ang pagpinirmahay sa maong “covenant” nga gi administer ni Monsignor Carlito Puno, ang kura paroko sa maong dakbayan.

Mao kini ang labing unang “Peace Covenant Signing” dinhi sa lalawigan sa Sugbo.(fcc)