CEBUANO NEWS : Tungod sa kahuot, mga prisohan centro sa tuberculosis screening

Ang mga nag unang mga prisohan dinhi sa lalawigan sa Sugbo ang makabentaha sa libreng screening sa sakit nga tuberculosis o TB.

Sa pagsaulog sa World TB Day, gidesider sa Department of Health-Central Visayas, nga tumong nila ang mga prisohan dinhi sa Sugbo.

Matod ni Dr. Sharon Azenith Laurel, TB focal person, tungod kay tungod sa kahuot og kapunsisok, dako ang puruhan sa pagdaghan sa sakit nga TB sa sulod sa mga prisohan.

Siya nagkanayon nga dali ra nga magtakod takod ang maong sakit, tungod kay madala raman kini sa paghanggab sa hangin.

Gawas nga ang mga piniriso dali nga matakdan sa sakit, apil napod niini ang ilang mga pamilya og mga bisita.

Ang upat ka mga prisohan mao ang Cebu Provincial Detention and Rehabilitation Center (CPDRC) sa probinsya sa Sugbo, ang mga Cebu City Jail, Mandaue City Jail og ang Lapulapu City Jail.

Nasayran nga lasagaran sa mga pasilidad nanobra og mga piniriso sama sa Mandaue nga ang istruktura angay lang sa 90 ka tawo apan adunay kapin sa isa ka libo ang naa nanimuyo.

"Imbes na sila pa ang mugawas, gikinahanglan pa ang Court order, scheduling og uban pa, kami na ang muadto  nila," matod ni Laurel.

Matod ni Laurel, ipahigayon nila ang TB screening pinaagi sa pagdala sa mobile XRay machines og mga blood testing kits.

Si Dr. Sharon Laurel sa Kapihan sa PIA

Lakip na pd niini ang kumpletong supply og mga pagtambag sa tibuok nga treatment.


Matod ni Laurel mulungtad og unom ngadto sa wala ka bulan nga maayo ang TB kun dili lang kini nalakip sa "resistant strain".

Kasagaran nga sintomas sa TB mao ang dugay na nga ubo, lisod paginhawa, kakapoy sa lawas og ang pagluwa nga adunay dugo.

Giangkon hinuon sa DOH7 nga taas ang ilang "success rate" sa ilang mga gipangtambalan.

"Angayan lang nga mudol sila sa mga health centers aron sa sayong pag diagnose," matod ni Laurel.

Kapihan sa PIA Cebu sa buhatan sa DOH 7
 

Sukwahe sa imaging mga tuig, ang sakit nga TB dili angay nga ikauwaw og 100 percent kini nga maayo.

Ang World TB Day gisaulog matag Marso 24 apan gibalhin kini ngadto sa Abril tungod kay natumong kini sa Semana Santa.